रौतहट/ पूर्वप्रधानमन्त्री एवम् एमाले वरिष्ठ नेता माधवकुमार नेपालको घरमा मधेसी मोर्चाका कार्यकर्ताले तोडफोड गरेका छन् ।
गौर नगरपालिका वडा नं ३ मा रहेको नेता नेपालको घरमा शुक्रबार दिउँसो मधेसी मोर्चाका कार्यकर्ताले तोडफोड गर्दा घरको प्रवेश द्वार र झ्याल ढोकाका शिशा फुटेका छन् ।
मुख्य सडक किनारमै रहेको नेता नेपालको घरमा नाराजुलुससहित पुगेका मधेसी मोर्चाका कार्यकर्ताले तोडफोड गरेका हुन् ।
आन्दोलन गर्दै सडकमा उत्रिएका मोर्चाका कार्यकर्ता माधव नेपालको घर छेउ पुगेपछि घर तोडफोडमा सहभागी भएका थिए ।
रौतहटको बिपी चोकबाट निस्केको जुलुस भन्सार तर्फ जाने क्रममा माधव नेपालको घर अगाडी पुग्नासाथ तोडफोडमा संलग्न भएको हो ।
घर तोडफोड गर्ने क्रममा मधेसी मोर्चाका कार्यकर्ताले नेता नेपाल विरुद्ध नाराबाजी समेत गरेका छन् । मोर्चाका कार्यकर्ताले नेता नेपालको घरमा ढुंगा र इँटाले प्रहार गरेका थिए ।
घरका अधिकांश झ्यालका सिसा फुटेका छन् ।
0 comments :
Post a Comment