अख्तियारले पूष १ देखि एक महिनासम्म त्रिभुवन विमानस्थलको नियमित अनुगमन तथा छानविन गर्ने

अख्तियार दुरुपयोग अनुसन्धान आयोगले त्रिभुवन अन्तर्राष्ट्रिय विमानस्थलमा पुष १ गतेदेखि एक महिनासम्म नियमित अनुगमन तथा छानविन गर्ने जनाएको छ । अख्तियारले विमानस्थल भित्र रहेका निकायहरुबाट सेवाग्राही यात्रुहरुलाई प्रदान गरिने सेवा,सुविधा तथा भौतिक संरचनाहरुको उचित प्रवन्ध नभएको सम्वन्धमा गम्भीर ध्यानाकर्षण भएको समेत जनाएको छ । आयोगले सोमवार विज्ञप्ती जारी गरी त्रिभुवन विमानस्थलको वेथिती अन्त्य हुन नसक्नु दुर्भाग्यपूर्ण भएको जनाएको छ । विमानस्थलमा कर्मचारीहरुको आचरण तथा व्यवहार सम्बन्धी समस्या, सुरक्षामा लापरवाही, विमानस्थलबाट हुन सक्ने तस्करी, शौचालय सहित सरसफाईमा भइरहेको हेलचेक्राई,ढिलासुस्ती र अनियमितता जस्ता विषयमा धेरै जनगुनासो आइरहेको आयोगले उल्लेख गरेको छ । आयोगमा परेका उजुरीहरुलाई मध्यनजर गर्दै समस्या निवारण एवं सुधार गर्ने उद्देश्यले पौष १ गते बुधबारदेखि निरन्तर १ महिनासम्म आयोगले जिम्मेवार अधिकारीको नेतृत्वमा विमानस्थल परिसरमा अनुगमन तथा छानविन टोली खटाउने जनाएको छ । प्रतिदिन २ सिफ्टमा रहने आयोग टोलीलाई आफुले अनुभुत गरेका, देखेका र जानकारीमा आएका समस्यावारे सूचित गरिदिन पनि सर्वसाधारणहरुसँग आयोगले अनुरोध गरेको छ ।

Share on Google Plus

About Unknown

We bring you the latest breaking news that are happening around the world. For daily news, celebrity gossips, scoops, scandals, sports news, crime news and many more, don't forget us to visit ... www.nepalhamro.com.