रुपन्देहीका सरकारी स्वास्थय केन्द्र तथा प्राथमिक उपचार केन्द्रहरुमा सुत्केरी महिलाहरुको रक्तश्राब रोक्न अत्याबश्यक अक्सिटोसिन इन्जेक्शन अभाब हुन थाले पछि रुपन्देहीको एक गैरसरकारी सस्था नमुना एकीकृत बिकास परिषदले २ हजार भाईल ईन्जेक्शन जिल्ला जनस्वास्थय कार्यालयलाई प्रदान गर्ने भएको छ । शुक्रबार ५ सय थान उपलब्ध गराउदै बाँकी १५ सय थान इन्जेक्शन पनि यसै साता प्रदान गरिने नमुना एकीकृत बिकासले जनाएको छ । परिषदकी अध्यक्ष ज्ञानु पौडेलका अनुसार इन्जेक्सन नेपालमा नपाईने र भारतमा मात्र पाईने भएकाले बिभिन्न कानुनी प्रकृया पुरा गरी गोरखपुरबाट खरीद गरी ल्याएर प्रदान गरिएको हो । सुत्केरी महिलाको रक्तश्राब नरोकिएमा यो ईन्जेक्शन दिनु जरुरी छ । दिन नसकिएमा ज्यानै जान सक्ने अवस्था उत्पन्न हुन्छ । अक्सिटोसिन इन्जेक्शन अभाब सम्बन्धि समाचार न्यूज २४ ले गत साता प्रसारण गरेको थियो । भारतको अघोषित नाकाबन्दीका कारण औषधि आयात समेत प्रभाबित हुदा रुपन्देहीमा अन्य सामग्री सहीत औषधीको पनि चरम अभाब देखिएको छ । अभाबका बिचमा नमुना एकिकृतले औषधी प्रदान गरी सुत्केरी महिलाको जीबन बचाउन ठुलो मानबिय कार्य गरेको रुपन्देही जिल्ला जनश्वास्थय कार्यालयका प्रमुख ऋषी प्रसाद लामिछानेले बताए । अक्सिटोसिन इन्जेक्शन रुपन्देहीका १८ वटा सुरक्षित मातृत्व केन्द्रमा आबश्यकता अनुसार दिइने लामिछानेले बताए ।
We bring you the latest breaking news that are happening around the world. For daily news, celebrity gossips, scoops, scandals, sports news, crime news and many more, don't forget us to visit ... www.nepalhamro.com.
0 comments :
Post a Comment