नेपाली कांग्रेसका उपसभापति रामचन्द्र पौडेलले संविधानको संशोधन विधेयकले मधेसका मागहरु सम्बोधन गर्ने विश्वास व्यक्त गर्नु भएको छ । उहाँले वार्ता र सम्वादबाट निकास निकाल्न मधेसवादी दलहरुलाई अनुरोध समेत गर्नु भएको छ । बिहीवार विराटनगरमा संचारकर्मीहरुसंग उपसभापति पौडेलले मधेसको आन्दोलन असहिष्णु र विद्वेषपूर्ण बन्दै गएकोले यसतर्फ सचेत हुन आन्दोलनरत दलहरुलाई आग्रह गर्नुभयो । उहाँले नमिलेको कुरा मिलाउन काग्रेंस लागिपरको भन्दै आन्दोलनरत दलले कुरा मिलाउन भन्दा आन्दोलन चर्काउन तर्फ लागेर देश र जनताको चिन्ता नगरेको आरोप पनि लगाउनु भयो । उपसभापति पौडेलले मधेसवादी दलहरुको माग नै नबुझिने स्थिति रहेको बताउदै आन्दोलन मात्र गरिरहने कार्यले मुलुककै आर्थिक अवस्था धराशायी गराउने नियत देखिएको टिप्पणी गर्नुभयो । उपसभापति पौडेलले छलफल, वार्ता र सम्वाद विना सीमांकन हेरफेर गरिए अर्कोतिर आन्दोलन हुन सक्ने भएकाले मधेसी दलहरुले भने जस्तै सीमांकन परिवर्तन गर्न नसकिने जानकारी दिनुभयो । उहाँले सीमांकन बारे मधेसवादी दलहरुसंग व्यापक गृहकार्य गर्न काँग्रेस तयार रहेको समेत बताउनु भयो ।
We bring you the latest breaking news that are happening around the world. For daily news, celebrity gossips, scoops, scandals, sports news, crime news and many more, don't forget us to visit ... www.nepalhamro.com.
0 comments :
Post a Comment