जुम्लाको तापक्रम बिहीबार बिहान यो वर्षकै कम माइनस ७ डिग्री सेल्सियसमा झरेको छ । गएको वर्ष डिसेम्बर २७ र २८ तारिखमा जुम्लाको तापक्रम त्यो वर्षकै सबैभन्दा कम माइनस ७ डिग्री मापन गरिएको थियो । यस वर्ष पोहोर भन्दा १० दिन अघि नै जुम्लाको तापक्रम माइनस ७ डिग्री सेल्सियस पुगेको छ । यस्तै, गएको वर्ष आजकै दिन काठमाडौं उपत्यकाको तापक्रम ३ दशमलव ५ डिग्री सेल्सियस थियो । गएको वर्ष जनवरी ३१ तारिखमा काठमाडौंमा सबैभन्दा कम १ दशमलव ४ डिग्री सेल्सियस थियो । जल तथा मौसम पूर्वानुमान महाशाखाका अनुसार तराइमा अहिले पनि हुस्सु लागेको छ । तत्काल पानी नपरे चिसो अझै बढ्ने सम्भावना रहेको महाशाखाले जनाएको छ । वायु प्रदुषणका कारण पानी पर्ने संभावना निकै कम रहेको छ । पानी परे एक दुइ दिन चिसो बढेपनि तापक्रम बढ्दै जान्छ । पानी नपरे चिसो बढ्ने जल तथा मौसम पूर्वानुमान महाशाखाको अनुमान छ ।
यस्तै, हिमाली क्षेत्रबाट हावा चल्न थालेकाले चिसो अझै बढ्ने महाशाखाले अनुमान गरेको छ । काठमाडौं उपत्यकासहित अरु शहरी क्षेत्रमा देखिएको वायू प्रदुषणका कारण लागेको तुवाँलो र हिमाली क्षेत्रबाट चलेको हावाका कारण चिसो अझै बढ्ने सम्भावना रहेको महाशाखाले जनाएको छ ।
About Unknown
0 comments :
Post a Comment