यात्रु बसलाई सुरक्षित राख्न फलामे जाली लगाउन थालियो

तराई मधेश आन्दोलनका कारण पूर्वाञ्चलबाट छुट्ने प्राय सबै रात्री सेवाका बसहरुको अगाडिका सिसा आन्दोनकारीहरुले फुटाइ दिने गरेका छन् । मोर्चाको अवरोधका बाबजुद पनि व्यवसायीले सेवा दिन छाडेका छैनन् । मोर्चाको ढुंगामुडाबाट बच्नका लागि उनीहरुले रात्री बसहरुमा अगाडिको सिसामा मात्र होइन यात्रुहरुको झ्याललाई पनि सुरक्षित राख्न फलामे जाली लगाउने गरेका छन् । विगत ३ महिना देखि पूर्व पश्चिम राजमार्गमा सडक यात्रा असुरक्षित भएपछि रात्री बसहरुले अगाडिको सिसामा फलामे जाली लगाउन थालिएको छ । प्रहरी स्कर्टिंङमा हिड्दा आन्दोलनकारीहरुले ढुंगामुढा गर्ने गरेका कारण सवारी चालकहरुले हेलमेट लगाएर सवारी चलाउनु पर्ने बाध्यता छ । यसैगरी यात्रुहरुले पनि सुनसरीको इनरुवा देखि धनुषाको ढल्केवर सम्म करिब २ सय किलोमिटर टाउको लुकाएर यात्रा गर्नु पर्ने बाध्यता छ । मधेसमा जारी आन्दोलन र असुरक्षित यात्रालाई सुरक्षित बनाउन फलामे जाली लगाउनु परेको चालकहरुले बताएका छन् ।

Share on Google Plus

About Unknown

We bring you the latest breaking news that are happening around the world. For daily news, celebrity gossips, scoops, scandals, sports news, crime news and many more, don't forget us to visit ... www.nepalhamro.com.