गत शुक्रबार गायक प्रमोद खरेल विन्ध्यवासिनी म्यूजिक अवार्डमा गाउँदै थिए नयाँ गीत झुम्कावाली । उनको यो गीत त्यहाँ उपस्थित अधिकांशले पहिलो पटक सुनेका थिए । तर पहिलो सुनाइमै अधिकांशको ध्यान सजिलै तान्यो झुम्कावालीले ।
संगीत कर्ममै लागेकाहरु उनको नयाँगीत सुनेर दंग थिए । भन्दै थिए ‘प्रमोदले फेरी खायो स्टेज झुम्कावाली हिट ।’ केहि समय अगाडि अडियो सार्वजनिक गरिएको झुम्कावालीको शनिवार भिडियो पनि सार्वजनिक गरिएको छ ।
शितल कादम्विनीको शव्द, अर्जुन पोखरेलको संगीत रहेको गीतको भिडियो निर्देशन नितिन चन्दले गरेका हुन्। यु ट्युवमा हिट भैरहेको गीतको भिडियो चाँही औसत बनेको प्रतिक्रिया छ । तर गीतलाई सबैले मन पराएका छन् ।
आइतबार हङकङमा प्रस्तुती दिएका प्रमोदले भने ‘झुम्कावालीको रेस्पोन्स राम्रो पाएको छु । धनगढी महोत्सव लगायत आधा दर्जन बढी शोमा झुम्कावाली गाउँदा गजबको साथ पाए, म निकै उत्साहित छु झुम्कावाली सँगै ‘ । गीतमा युवतीलाई फकाउन प्रयोग गरिएका सांकेतिक शब्दलाई धेरैले मन पराएका छन् ।
गायक प्रमोद खरेल अहिलेका हिट गायक हुन् । आरबिटीमा सबैभन्दा बिकाउ आवाज प्रमोदकै बनेको छ । त्यस्तै देशविदेशमा आयोजना हुने सांगीतिक कार्यक्रमका लागि पहिलो रोजाइका गायक हुन् प्रमोद । अरुका एल्वमका लागि व्यवसायिक आवाज दिदै आएका प्रमोदले आफ्नै प्रस्तुतीमा नियमित गीत निकाल्छन । त्यस्ता गीतहरुमा उनले स्टेज प्रस्तुती सुहाँउदा रोज्छन् । त्यस्तै स्टेज फोकस गरिएको उनको नयाँ गीत हो झुमा झुम्कावाली ।
स्रोत: नेपालीकला डटकम
-
Blogger Comment
-
Facebook Comment
Subscribe to:
Post Comments
(
Atom
)
0 comments :
Post a Comment